© სახელმწიფო რწმუნებულის - გუბერნატორის ადმინისტრაცია. 2009
19/03/2010
საქართველოს მუნიციპალური განვითარების ფონდი
მცხეთა-მთიანეთის რეგიონში წელს 35 მილიონს დახარჯავს
9 მარტს საქართველოს რეგიონული განვითარებისა და ინფრასტრუქტურის მინისტრის მოადგილე ლაშა გოცირიძე და მუნიციპალური განვითარების ფონდის აღმასრულებელი დირექტორი კონსტანტინე მგელაძე მცხეთაში ჩავიდნენ და მცხეთა-მთიანეთის რეგიონში საქართველოს პრეზიდენტის რწმუნებულ ცეზარ ჩოჩელთან და ადგილობრივი მუნიციპალიტეტების ხელმძღვანელებთან ერთად რეგიონში მიმდინარე პროექტებთან დაკავშირებული პრობლემები და 2010 წელს დაგეგმილი პროექტები განიხილეს.
საქართველოს მუნიციპალური განვითარების ფონდი 2010 წელს მცხეთა-მთიანეთის რეგიონის ყველა მუნიციპალიტეტში 9 მნიშვნელოვან პროექტს ახორციელებს, რომელთა საერთო ბიუჯეტი დაახლოებით 35 მლნ ლარს შეადგენს.
აღნიშნულ პროექტებს აფინანსებს საქართველოს მთავრობა, მუნიციპალური განვითარების ფონდი, აზიის განვითარების ბანკი (ADB), მსოფლიო ბანკი.
08/04/2010
დუშეთში რეგიონალური ფოლკლორის საღამო ჩატარდა
დუშეთის მუნიციპალიტეტის ინიციატივითა და მცხეთა-მთიანეთის სამხარეო ადმინისტრაციის მხარდაჭერით 8 აპრილს, დუშეთის კულტურის სახლში რეგიონალური ფოლკლორის საღამო ჩატარდა, სადაც მონაწილეობა მიიღეს რეგიონში მცხოვრებმა იმ ადამიანებმა, რომლებსაც სურდათ, საკუთარი თვითშემოქმედება საზოგადოებისთვის უფრო კარგად გაეცნოთ. ღონისძიების მიზანი იყო რეგიონებში ქართული ფოლკლორის პოპულარიზაცია და ფოლკლორის ახალი ნიმუშების ფართოდ გამომზეურება.
თვითშემოქმედებით საღამოს ესწრებოდნენ საქართველოს ფოლკლორის სახელმწიფო ცენტრის წარმომადგენლები. მოწვეულმა სტუმრებმა ჟიურის სახით საუკეთესო მონაწილეები გამოავლინეს, რომლებიც შემდგომ, ვახუშტი კოტეტიშვილის სახელობის ხალხური პოეზიის ღონისძიებაში მიიღებენ მონაწილეობას. აღნიშნული საღამოს ჩატარება სავარაუდოდ 2010 წლის აპრილში, ქ.თბილისში, შოთა რუსთაველის აკადემიურ თეატრში . . .
23/04/2010
თურქეთის რესპუბლიკის ქალაქ არდახანს დუშეთის ბავშვთა ფოლკლორული ანსამბლები სტუმრობდნენ
23 აპრილს, თურქეთის ეროვნული სუვერენიტეტისა და ბავშვთა დამეგობრების დღე აღინიშნა, რომლის დევიზი იყო “მშვიდობა ჩვენთან, მშვიდობა მსოფლიოში”
აღნიშნულ თარიღთან დაკავშირებით, თურქეთის რესპუბლიკის ქალაქ არდახანის გუბერნატორის ინიციატივით, დუშეთის მუნიციპალიტეტის გამგეობამ მიიღო მოწვევა, რათა ეროვნული სუვერენიტეტისადმი მიძღვნილ სადღესასწაულო პროგრამაში, საკუთარი შემოქმედებით, დუშეთის ბავშვთა ფოლკლორულ ანსამბლებსაც მიეღო მონაწილეობა.
ამავდროულად დაგეგმილ იქნა ქალაქ არდახანისა და ქალაქ დუშეთის წარმომადგენელთა დამეგობრება.
დუშეთის ბავშვთა ფოლკლორული ანსაბლების გამგზავრება თურქეთის რესპუბლიკაში 21 აპრილს განხორციელდა.
მასპინძელი ქვეყნის წინაშე დუშელი მოზარდები ეროვნული ფოლკლორული პროგრამით წარსდგნენ და ულამაზესი სანახაობით განაცვიფრეს არდახანელი თანატოლები. გარდა ამისა, ბავშვებს შესაძლებლობა უფრო . . .
23/04/2010
23-25 აპრილს, საგამოფენო ცენტრ “ექსპოჯორჯიაში” საერთაშორისო ტურისტული გამოფენა ჩატარდა
2010 წლის 23-25 აპრილს, თბილისში მე-12 საერთაშორისო ტურისტული გამოფენა ჩატარდა. გამოფენის ორგანიზატორი იყო საგამოფენო ცენტრი “ექსპოჯორჯია”, საქართველოს ტურიზმისა და კურორტების დეპარტამენტი, ქ. თბილისის მერია. გამოფენაზე მონაწილეობდა 80-მდე ორგანიზაცია; ტურისტული კომპანიები, სასტუმროები, დაცული ტერიტორიების სააგენტო, ტრადიციული ქართული ხალხური რეწვის საწარმოები, უმაღლესი სასწავლებლები და ა.შ.
მცხეთის ტურიზმის საინფორმაციო ცენტრის მიერ თიანეთის, დუშეთის, მცხეთისა და ყაზბეგის რაიონებთან, რეგიონში არსებულ ტურისტულ სამსახურებთან ერთად მომზადდა საინტერესო საინფორმაციო-სარეკლამო მასალები. რეგიონის საგამოფენო სტენდზე წარმოდგენილი იყო მცხეთა_მთიანეთის მხარის ტურისტული შესაძლებლობები, ტურისტული ინფრასტრუქტურა: სასტუმროები, საოჯახო სასტუმრო სახლები, ტურისტული მარშუტები, ტურისტული ადგილები, ხალხური რეწვა, ფოლკლორი, და ა.შ.
გამოფენაზე მოსული სტუმრებისათვის საინტერესო იყო სტენდზე წარმოდგენილი საინფორმაციო . . .
21/06/2010
იაპონიის მთავრობის მიერ გამოყოფილი “გრასრუტისა და ადამიანის უსაფრთხოების საგრანტო დახმარების” პროგრამის ფარგლებში დაფინანსებული სოფელ საგურამოს ბავშვთა სახლის რეაბილიტირებული შენობის პრეზენტაცია მოეწყო
მიმდინარე წლის 21 ივნისს, სოფელ საგურამოში იაპონიის მთავრობის მიერ გამოყოფილი “გრასრუტის და ადამიანის უსაფრთხოების საგრანტო დახმარების პროგრამის” ფარგლებში დაფინანსებული ბავშვთა სახლის მეორე შენობის რეაბილიტაციის გახსნის ცერომონიალი შედგა.
ცერემონიას ესწრებოდნენ იაპონიის საგანგებო და სრულუფლებიანი ელჩი საქართველოში ბ-ნი მასაიოში კამოჰარა და მცხეთა-მთიანეთის სამხარეო ადმინისტრაციის წარმომადგენლები.
აღნიშნული პროექტი, მიზნად ისახავს საგურამოში არსებული ბავშვთა სახლის რეაბილიტაციით კიდევ უფრო გააუმჯობესოს მზრუნველობამოკლებულ ბავშვთა საცხოვრებელი პირობები. პროექტის განხორციელებით უშუალოდ ისარგებლებს 260 ბავშვი, ხოლო მის საერთო ღირებულებას 88, 700 აშშ დოლარი შეადგენს.
29/06/2010
მეწყერის გამო, ფასანაური-კიტოხის ცენტრალურ გზაზე სატრანპორტო მოძრაობა შეუძლებელია
ფასანაური-კიტოხის ცენტრალურ გზაზე, სატრანსპორტო მოძრაობა დაზიანებული მონაკვეთის გამო ჯერ კიდევ ვერ ხერხდება. ამის გამო 13 სოფლის მცხოვრებლებს გადაადგილება ფეხით უწევთ. გზის აღდგენითი სამუშაოების დაწყება შესაძლებელი გახდება მაშინ, როდესაც გეოლოგების დასკვნა, გზის ვარგისიანობის შესახებ იქნება დადებული. იმ შემთხვევაში, თუ აღდგენა შეუძლებელი გახდა, ალტერნატიული გზა არაგვის მარცხენა მხარეს გაკეთდება. დაზაიანებული გზა არაგვის მარჯვენა მხარეს მდებარეობს, ფასანაურის მე-11 კილომეტრზე
30/06/2010
მდინარე არღუნში გადავარდნილი მამაკაცის ცხედარი ჯერ კიდევ ვერ იქნა ნაპოვნი
მიმდინარე წლის 20 ივნიის, შატილში, გადაუღებელი წვიმების შედეგად ადიდებულმა მდინარე არღუნმა, ახალგაზრდა მამაკაცის სიცოცხლე შეიწირა. შატილის რწმუნებულის ინფორმაციით, სოფელ არჭილოს მკვიდრი ბადრი ზვიადაური საკუთარ სახლში ცხენით ბრუნდებოდა, სწორედ ამ დროს გაურკვეველი მიზეზების გამო იგი მდინარეში გადავარდა და ამოსვლა ვეღარ შეძლო.
აღნიშნული ვითარების გამო, ადგილობრივი ხელისუფლებისა და მცხეთა-მთიანეთის საგანგებო სიტუაციების მართვის სამსახურის მიერ, მობილიზებულ იქნა სამაშველო ჯგუფები, საძიებო სამუშაოების ჩასატარებლად, თუმცა უშედეგოდ, ამ დრომდე ბადრი ზვიადაურის ცხედრის პოვნა ჯერ კიდევ ვერ მოხერხდა.
ბოლო ინფორმაციის თანახმად, ცხედრის ძიება კვლავ მიმდინარეობს.
17/07/2010
სოფელ სნოში ვახტანგ გორგასალის ძეგლის პრეზენტაცია მოეწყო
17 ივლისს, საქართველოს კათოლიკოს-პატრიარქის, უწმინდესისა და უნეტარესის ილია II-ის ლოცვა კურთხევით, ყაზბეგის მუნიციპალიტეტის სოფელ სნოში, გამოჩენილი ქართველი მეფის – ვახტანგ გორგასალის მონუმენტი გაიხსნა. აღნიშნული ღონისძიების ინიციატივა სოფელ სნოში უშუალოდ საქართველოს პატრიარქს ეკუთვნის, რომელიც შემდგომ საპატრიარქოს მიერ დაგეგმილი საზეიმო დღესასწაულით განხორციელდა.
საქართველოს პატრიარქმა, მეფე ვახტანგის მიერ განვლილი ცხოვრების იმ ღირებულებებზე ისაუბრა, რომელიც საკუთარი ქვეყნის სიყვარულისთვის, განსაკუთრებულ თავდადებასა და ერთგულებას მოითხოვდა. კიდევ ერთხელ აკურთხა ამ უდიდესი მეფის სახელი და იქ მისული უამრავი სტუმარიც დალოცა.
ღონისძიების დამამშვენებელი ნაწილი იყო ასევე ქართული ხალხური სიმღერები, ხრიდოლი, ქართული ესტრადის არაერთ წარმომადგენელთა პატრიოტულ თემაზე შემდგარი სიმღერები და ლექსები.
ზეიმი სოფელ სნოში მთელი დღის მანძილზე გაგრძელდა, რომელიც ბოლოს, ღია ცის ქვეშ სახალხოდ გამართული დიდი ტრაპეზით დასრულდა.
19/07/2010
ბაზალეთის დევნილთა დასახლებაში სამედიცინო ამბულატორია გაიხსნა
19 ივლისს, ბაზალეთის დევნილთა დასახლებაში საექიმო ამბულატორიის გახსნის ცერემონია მოეწყო. ამბულატორია აღდგენილია ამქორ-საქართველოს მიერ 2010 წელს, “მცირე სარეკონსტრუქციო პროექტის” ფარგლებში, ამერიკის შეერთებული შტატების სახელმწიფო დეპარტამენტის (DOS) ფინანსური ხელშეწყობით.
ამჟამად ბაზალეთის დევნილთა კომფაქტურად ჩასახლებულ ცენტრში ცხოვრობს 400 “ახალი” და 40 “ძველი” დევნილი ოჯახი, რომლებსაც საკუთარი სახლების დატოვება აფხაზეთისა და სამხრეთ ოსეთის ომის დროს იძულებით მოუხდათ.
ამჟამად UMKOR-ი ეხმარება აღნიშნულ დასახლებას სამედიცინო და არასამედიცინო ჰუმანიტარული პროგრამის ფარგლებში, ბავშვთა საკვების განაწილების ჩათვლით.
ბაზალეთის დევნილთა დასახლებაში ჯანმრთელობის დაცვისა და სამედიცინო მომსახურების უკიდურესი საჭიროების პასუხად, UMKOR/საქართველომ საქართველოს შრომის, ჯანმრთელობისა და სოციალური დაცვის . . .
01/08/2010
1 აგვისტოს სახალხო ზეიმი “თიანეთობა 2010” გაიმართა
თიანეთის მუნიციპალიტეტის გამგეობისა და მცხეთა-მთიანეთის სამხარეო ადმინისტრაციის ინიციატივით 1 აგვისტოს, დაბა თიანეთში სახალხო დღესასწაული “თიანეთობა 2010” გაიმართა. ღონისძიების მიზანი იყო, რეგიონში ტრადიციების აღდგენა_განვითარება მუსიკალური ფილკლორის, ხალხური პოეზიის, ხალხური სპორტული თამაშების, ხალხური რეწვის, ტრადიციული სამზარეულოსა და საყოფაცხოვრებო საქმიანობის სფეროში. ასევე, ტურიზმის განვითარება თიანეთის მუნიციპალიტეტში და სხვადასხვა საქველმოქმედო ღონისძიებების მოწყობა.
სახალხო ზეიმში მონაწილეობა მიიღეს, როგორც თიანეთის, ასევე დუშეთის, მცხეთისა და ახალგორის მუნიციპალიტეტებიდან მოწვეულმა სხვადასხვა ფოლკლორულმა ჯგუფებმა.
გარდა ამისა, ჩატარდა ხალხური რეწვის ნიმუშების გამოფენა-გაყიდვა, ასევე სპორტული გასართობი ღონისძიებები – ქართული ჭიდაობა, ლახტი, გურგობეა, დოღი, მკლავჭიდი, ხრიდოლი, მოეწყო კონკურსები ხინკლის ჭამასა და ლუდის სმაში, სადაც გამოვლენილი გამარჯვებულები სამახსოვრო საჩუქრებით დაჯილდოვდნენ.
სახალხო ზეიმი დაბა თიანეთის დასასვენებელ პარკში 12.00 საათზე დაიწყო და მთელი დღის მანძილზე უამრავ სტუმარს უმასპინძლა. ზეიმის დასასრულს, საზოგადოების წინაშე ანსამბლი “ზუმბალენდი და ჩვენებურები” წარსდგნენ და საკუთარი შემოქმედებით კიდევ უფრო გაალამაზეს დღესასწაული.
06/09/2010
წეროვანის დევნილთა დასახლებას მსოფლიოს ყოფილი ლიდერები სტუმრობდნენ
2010 წლის 6 სექტემბერს, წეროვანის დევნილთა დასახლებაში ამერიკის შეერთებული შტატების ყოფილი ლიდერები იმყოფებოდნენ. ყოფილი მსოფლიო ლიდერები ადგილობრივ ხელისუფლებას შეხვდნენ და ყველა იმ არსებულ პრობლემებსა თუ ომის შემდგომ ჩატარებულ სამუშაოებზე ისაუბრეს, რომელიც ამ ეტაპზე მიმდინარეობს. ასევე დაათვალიერეს ის ობიექტი, რომელიც წეროვანის დასახლებაში მსოფლიოს სხვადასხვა დონორი ორგანიზაციების მიერ გამოყოფილი თანხებით იქნა აშენებული: სკოლა, საბავშვო ბაღი პურის საცხობი და სხვა. გარდა ამისა ყოფილი მსოფლიო ლიდერები ადგილობრივ მოსახლეობას შეხვდნენ და მათი პრობლემები გაიზიარეს.
07/09/2010
სოფელ შარახევში სტიქიით დაზარალებულ ადგილობრივ მოსახლეობას შეშა გადასცეს
მიმდინარე წლის 7 სექტემბერს, თიანეთის მუნიციპალიტეტის ზარიძეების ტერიტორიული ორგანოს სოფელ შარახევში, სტიქიით დაზარალებულ მოსახლეობას მუნიციპალიტეტის გამგებელმა და სამხარეო ადმინისტრაციის წარმომადგენლებმა იქ მცხოვრებ მოსახლეობას სტიქიის შედეგად დაზიანებული ხე-ტყის უკვე საშეშედ გამზადებულ მერქანი გადასცეს. მიმდინარე წლის გაზაფხულზე, გადაუღებელმა წვიმებმა სტიქია მიაყენა აღნიშნულ სოფელს და იქ მცხოვრებ მოსახლეობას, ზოგიერთ მოსახლეს დაენგრა საცხოვრებელი სახლი, დაეღუპა შინაური ფრინველები.
სოფელ შარახევში ყოფნისას, ადგილობრივი მუნიციპალიტეტის გამგეობამ, სტიქიისგან დაბინძურებული ტერიტორიის დასუფთავებითი სამუშაოები განაახლა, შეხვდა მოსახლეობას და ადგილზე მოისმინა მათი პრობლემები.
09/09/2010
სვეტიცხოველთან, მცხეთის ინგლისურენოვანი გიდების პრეზენტაცია ჩატარდა
2010 წლის 9 სექტემბერს სვეტიცხოველში, მცხეთის ტურისტული გიდების ინგლისური ენის სპეციალური ტრენინგ-კურსის შედეგების პრეზენტაცია გაიმართა.
ტრენინგ-კურსი, რომელიც განახორციელა ტურიზმის განვითარების ცენტრმა ‘"ნიუკასმა", მიზნად ისახავდა ადგილობრივი, პროფესიონალი ინგლისურენოვანი გიდების გადამზადებას.
პროექტი წარიმართა საქართველოს ტურიზმისა და კურორტების დეპარტამენტისა და მცხეთის მუნიციპალიტეტის გამგეობის მხარდაჭერით.
პრეზენტაციას ესწრებოდნენ: საქართველოს ტურიზმისა და კურორტების დეპარტამენტის თავმჯდომარე მაია სიდამონიძე, ტურიზმის განვითარების ცენტრის "ნიუკასის" დირექტორი ქეთევან მელაძე, გიდების ასოციაციის აღმასრულებელი დირექტორი გიორგი დარციმელია.
ინგლისური ენის მცოდნე გიდების ტრენიგები განსაკუთრებით მნიშვნელოვან ფაქტს წარმოადგენს მცხეთის განვითარებასა და უცხოელი ტურისტების კიდევ უფრო მეტი მოზიდვის სფეროში, რომელის რაოდენობამ ბოლო წლების განმავლობაში ერთიორადაა გაზრდილი საქართველოს უძველეს დედაქალაქში.
12/09/2010
ილია ჭავჭავაძის გარდაცვალებიდან 103 წელი შესრულდა
12 სექტემბერს ილია ჭავჭავაძის გარდაცვალებიდან 103 წლისთავი შესრულდა. საგურამოს ი .ჭავჭავაძის სახლ_მუზეუმის ხელმძღვანელობის ინიციატივითა და მცხეთა-მთიანეთის სამხარეო ადმინისტრაციის თანადგომით, აღნიშნულ ფაკტთან დაკავშირებით ღონისძიება ჩატარდა, რომელიც ჯერ წიწამურზე, ილიას მკვლელობის ადგილზე აღმართულ ობელისკთან, მწერლის სულის მოსახსენებელი პარაკლისით დაიწყო, მოგვიანებით კი, იქ მოწვეულმა საზოგადოებამ საგურამოს სახლ-მუზეუმში გადაინაცვლა, სადაც მათ საშუალება მიეცეთ კიდევ ერთხელ გაეხსენებინათ ამ ბუმბერაზი ადამიანის ცხოვრება და მოღვაწეობა. ჩატარდა ასევე მწერლების: ზვიად კვარაცხელიას წიგნის “ილია სამეგრელოში” და იონა მეუნარგიას - “თხზულებათა მრავალტომეულის I ტომის” პრეზენტაცია.
გარდა ამისა, საპატიო წოდება “ილიას საგურამოს მუზეუმის მეგობარი” მიენიჭათ იმ ბიზნესმენთა წრის წარმომადგენლებს, რომლებსაც ამაგი მიუძღვით აღნიშნული მუზეუმის სხვადასხვა სახით დახმარებაში. საღამოს ამშვენებდნენ ანსამბლების : “ქართული ხმებისა” და “ერისიონის” სოლისტების შემოქმედება.
ამ დღესთან დაკავშირებით საგურამოში მრავალი მოწვეული სტუმარი და მწერლის შემოქმედების თაყვანისმცემელი შეიკრიბა.
25/09/2010
ქალაქ დუშეთში სახალხო დღესასწაული “დუშეთობა 2010” ჩატარდა
25 სექტემბერს, ქალაქ დუშეთში სახალხო დღესასწაული „დუშეთობა 2010“ “ხალიჩების ფესტივალი” გაიმართა.
დღესასწაულზე წარმოდგენილ იქნა დუშეთის მუნიციპალიტეტის თითოეული კუთხის ეთნოგრაფიული სახლი, მათი ყოფითი კულტურა და ტრადიციული სამზარეულო, მოეწყო ტრადიციული ხელსაქმის ნიმუშებისა და ადგილობრივი მხატვრების ნამუშევრების, ასევე ხალიჩების გამოფენა-გაყიდვა, ჩატარდა სპორტული ღონისძიებები: (ქართული ჭიდაობა - საქართველოს პირველობა, მკლავჭიდი, ჭადრაკი). ქართული საბრძოლო ხელოვნების ნიმუშების ჩვენება “ხრიდოლმა” მოაწყო. დუშეთის ცენტრალურ მოედანზე კი გალა კონცერტი ჩატარდა. მოეწყო აგრეთვე გაბრიელ ჯაბუშანურის წიგნის პრეზენტაცია. ამ დღეს, დუშეთში მოსულ უამრავ სტუმარს დასვენებისა და სასიამოვნო გარემოს შექმნისათვის არაჩვეულებრივი პირობები დახვდათ.
საზეიმო განწყობამ ქალაქ დუშეთში გვიანობამდე გასტანა.
14/10/2010
სვეტიცხოვლის ტაძარს დაარსებიდან 1700 და განახლებიდან 1000 წელი შეუსრულდა
14 ოქტომბერს სვეტიცხოვლობა აღინიშნა. სრულიად საქართველოს კათალიკოს-პატრიარქმა, უწმინდესმა და უნეტარესმა ილია მეორემ სვეტიცხოვლის საკათედრო ტაძრის 1000 წლისთავთან დაკავშირებით საზეიმო წირვა-ლოცვა აღავლინა.
ამ დღესათან დაკავშირებით, საქართველოს სხვადასხვა ქვეყნის, მათ შორის, რუსეთის მართლმადიდებლური ეკლესიების დელეგაციები ეწვია.
ძველ სატახტო ქალაქში სვეტიცხოვლობა სხვადასხვა ღონისძიებით იქნა დატვირთული. კერძოდ კი მცხეთის ცენტრალურ ქუჩებზე ხალხური რეწვის, კერამიკის, თექის, ფერწერის, გრაფიკის, მელქიოლის, ვერცხლის, მინანქარის, საბიბლიოთეკო წიგნებისა და ნახატების გამოფენა გაიმართა.
ადგილობრივმა ანსამბლებმა მცხეთაში საკუთარი შემოქმედება წარმოადგინეს. ჩატარდა მცხეთის მუნიციპალიტეტის კულტურის სახლების, კლუბების, საჯარო სკოლების მიერ მოწყობილი საშემოდგომო . . ,
10/10/2010
9 ოქტომბერს სტეფანწმინდაში “ყაზბეგობა 2010” გაიმართა
ყაზბეგის მუნიციპალიტეტის საკრებულოსა და გამგეობის ინიციატივით, ასევე მცხეთა-მთიანეთის სახელმწიფო რწმუნებული-გუბერნატორის მხარდაჭერით 2010 წლის 9 ოქტომბერს, დაბა სტეფანწმინდაში სახალხო დღესასწაული “ყაზბეგობა” ჩატარდა. ღონისძიების მთავარი მიზანი, ხევის ტრადიციების პოპულარიზაცია და დიდი ქართველი მწერლის ალ. ყაზბეგის ხსოვნის უკვდავყოფა წარმოადგენდა. დღესასწაული დაბა სტეფანწმინდაში დილიდანვე დაიწყო, სადაც მონაწილეობა მიიღეეს ყაზბეგის, დუშეთის, თიანეთის, მცხეთისა და ახალგორის მუნიციპალიტეტებიდან მოწვეულმა ქორეოგრაფიულმა და ფოლკლორულმა ანსამბლებმა, ასევე ესტრადის მომღერლებმა.
დღესასწაულზე საკუთარი შემოქმედებით წარსდგნენ თანამედროვე ქართველი მწერლები და პოეტები, მოეწყო ხალხური რეწვის ნიმუშების გამოფენა-გაყიდვა, ჩატარდა სპორტული ღონისძიებები, საბრძოლო ნიმუშების ხელოვნება ხრიდოლმა წამრმოადგინა. მოეწყო დოღი.
აღნიშნული ღონისძიების მხარდამჭერები იყვნენ საზოგადოებრივი მაუწყებლობა I არხი, რადიო- “პალიტრა” და საქართველოს ტურიზმის ეროვნული სააგენტო. დღესასწაულს უამრავი ადგილობრივი და უცხოელი სტუმარი ეწვია.
საზეიმო განწყობა სტეფანწმინდაში გვიანობამდე გაგრძელდა.
26/11/2010
26 ნოემბერს, სასტუმრო ამბასადორში მუცოს აღდგენა - რეაბილიტაციის თემაზე პრეზენტაცია გაიმართა
26 ნოემბერს, სასტუმრო „ამბასადორში“ მუცოს აღდგენა – რეაბილიტაციის თემაზე პრეზენტაცია ჩატარდა. მუცო პირიქითა ხევსურეთის კლდეზე შეფენილი ციხესიმაგრეა, რომელიც სასწრაფო რეაბილიტაციას საჭიროებს. ეს თხოვნა ადგილობრივ დონეზე წამოიჭრა და მის ირგვლივ რამოდენიმე მნიშვნელოვანი ორგანიზიცია გაერთიანდა. საკუთარი ხედვა წარმოადგინეს მცხეთა–მთიანეთის სამხარეო ადმინისტრაციამ, ტურიზმის დეპარტამენტმა, ძეგლთა დაცვამ და სამშენებლო კომპანია „არსმა“. პრეზენტაციას დონორი ორგანიზაციების წარმომადგენლებიც ესწრებოდნენ.
მსგავსი სახის შეხვედრები აღნიშნულ თემაზე უახლოეს მომავალში კვლავაც იგეგმება, რათა დროულად იქნას მიღებული საბოლოო გადაწყვეტილებები აღნიშნული პრობლემის მოსაგვარებლად.
07/12/2010
"ჰალო თრასთმა" დაასრულა განაღმვითი სამუშაოები მცხეთაში
2010 წლის ნოემბერში ბრიტანულმა ჰუმანიტარულმა ორგანიზაცია "ჰალო თრასთ"-მა განაღმვითი სამუშაოები დაასრულა ქ. მცხეთაში არსებულ ყოფილ სამხედრო ბაზის ტერიტორიაზე. ჰალო თრასთის განაღმვითი ჯგუფები, 2009 წლის ოქტომბრიდან, ასუფთავებდნენ აღნიშნულ ტერიტორიას ნაღმებისა და სხვა ფეთქებადი ნივთიერებებისაგან.
სამხედრო ბაზის ტერიტორია, იმ დროისათვის ბაზაზე არსებული საინჟინრო საწყობების დაცვის . . .
13/01/2011
მცხეთა-მთიანეთის რეგიონის გუბერნატორის სახელით, სამხარეო ადმინისტრაციის წარმომადგენლებმა ძეგვის სარეაბილიტაციო ცენტრის ბინადრებს ახალი წელი მიულოცეს
მცხეთა-მთიანეთის რეგიონის სახელმწიფო რწმუნებულის ინიციატივით, სამხარეო ადმინისტრაციის წარმომადგენელებმა და მცხეთის მუნიციპალიტეტის ხელმძღვანელებმა 13 იანვარს, სოფელ ძეგვში, წმ. გიორგი მთაწმინდელის დედათა მონასტერთან არსებულ სარეაბილიტაციო ცენტრს დამდეგი ძველით ახალი წელი მიულოცეს და ყველა ის საჭირო საკვები პროდუქტი მიუტანეს, რასაც განსაკუთრებით საჭიროებდნენ. ამ ეტაპზე სარეაბილიტაციო ცენტრში . . .
